Press Releases - Meeting in ECP Secretariat regarding upcoming Elections

الیکشن کمیشن آف پاکستان
Media Coordination and Outreach Wing
پریس ریلیز  
مورخہ 13فروری 2023 اسلام آباد 
آج الیکشن کمیشن  کا اہم اجلاس  چیف الیکشن کمشنر جناب سکندر سلطان راجہ  کی سربراہی  میں منعقد ہوا۔ اجلاس میں معزز ممبران  الیکشن کمیشن  کے علاوہ  سیکرٹری الیکشن کمیشن اور   الیکشن کمیشن  کے  سینئر افسران نے شرکت کی۔
اجلاس میں  عدالت عالیہ لاہورہائیکورٹ  لاہور کے فیصلہ   مورخہ 10فروری 2023کو مدنظر  رکھتے ہوئے  اس پر عملدآمد پر غور کیا گیا ۔ الیکشن کمیشن  نے  معزز عدالت  کے حکم کے مطابق  گورنر پنجاب  سے درخواست کی ہے کہ صوبہ میں جنرل  انتخابا ت صوبائی اسمبلی پنجاب  کی تاریخ سے  متعلق مشاورت  کے لئے کل مورخہ 14 فروری 2023 کو میٹنگ  کے لئے مناسب وقت دیں۔ اس سلسلے  میں ضروری  مراسلہ جاری کر دیا  گیا ہے ۔اور الیکشن کمیشن  نے  سیکرٹری الیکشن کمیشن کی سربراہی میں سپیشل سیکرٹری ا ور ڈائریکٹر جنرل  ) لاء(  کو مقرر کیا ہےکہ وہ  الیکشن کمیشن کی طرف سے گورنر سے مشاورت کریں اور الیکشن کمیشن کو بریف کریں  تاکہ الیکشن کمیشن آئندہ  کے لائحہ عمل  پر غور  کرے ۔